Мапирање на меѓународното пропагандистичко и субверзивно влијание во Северна Македонија

Општата цел на проектот беше да се спротивстави на субверзивното, пропагандистичкото и дестабилизирачкото меѓународно влијание во клучните општествени сфери, како што се медиумите и ширењето информации. Во рамките на проектот спроведовме студија фокусирана на идентификација на водечките наративи присутни во медиумското покривање на односите меѓу Северна Македонија и Бугарија, како и покривањето на руската воена агресија врз Украина. Студијата беше фокусирана на идентификување на методите за ширење на овие содржини во јавноста. Во анализата се истражуваше и можното присуство на дезинформации, непроверени и непотврдени конспиративни содржини, антизападна реторика, итн.

 Втората компонента на истражувањето се состоеше од социо-демографски конципирани фокус-групи со граѓани. Вкрстената анализа на субверзивните и пропагандните наративи присутни во медиумите и нивната застапеност во наодите на фокус групите ни овозможи да го истражиме начинот и степенот до кој овие наративи влијаат врз јавното мислење и нивоата на информации достапни за граѓаните.