Регионален младински
дијалог за Европа – RYDE

Целта на регионалниот проект „Регионален младински дијалог за Европа – RYDE“ е да придонесе кон зајакнување на партиципативната демократија во рамки на европската интеграција и регионалната соработка на Западен Балкан, преку зголемено влијание на граѓанските организации. Особено на младинските организации во промоцијата на демократските вредности, како и на политичките, економските и социјалните придобивки од европската интеграција на Западен Балкан.

Специфичните цели на проектот вклучуваат зголемување на учеството на граѓанските организации (ГО) и младите во структурниот дијалог за јавните политики на национално и регионално ниво, со фокус на политиките за човечки и социјален развој, релевантни за младите и другите маргинализирани групи.

НВО Инфоцентарот е дел од конзорциумот составен од AIEN (Албанија), Youth Act (Албанија), Network of Progressive Initiatives-NPI (Босна и Херцеговина), Косовската иницијатива за стабилност – IKS (Косово*) и Регионална академија за демократски развој – АДД (Србија), предводен од  Фондацијата Центар за демократија од Србија.