Ве покануваме да аплицирате за тематската сесија на POLITEIA „Јавни политики за независност на домувањето на младите од Западен Балкан“, која ќе се одржи на 22-23 декември 2025 година во Белград (Хотел Палас, Топличин венац 23), организирана од Регионалната академија за демократски развој.
Целта на оваа сесија е да се зајакнат капацитетите на младите луѓе, организациите на граѓанското општество и носителите на одлуки за подобро разбирање и анализа на јавните политики што се однесуваат на независноста на домувањето за младите во Западен Балкан. Учесниците ќе стекнат длабинско разбирање на структурата на политиките за домување, процесот на дефинирање на целите и мерките, правните рамки и методите за проценка на социјалното влијание на политиките – особено врз младите луѓе и другите ранливи групи. Сесијата ќе се фокусира и на усогласувањето со стандардите на ЕУ и размената на практики за политики од други економии на Западен Балкан и земји-членки на ЕУ. Оваа активност дополнително ќе ја поддржи регионалната соработка и заедничкото разбирање на клучните предизвици во подобрувањето на пристапот до домување за младите луѓе.
Тематската сесија POLITEIA вклучува и еднодневна менторска програма, за време на која учесниците дополнително ќе ги подобрат своите практични вештини во анализата и подготовката на документи за предлог-политики во оваа област.
Учеството е отворено за претставници на младински организации, млади активисти, млади членови на политички партии, како и лица кои донесуваат одлуки од Албанија, Босна и Херцеговина, Косово, Црна Гора, Северна Македонија и Србија.
Апликациите мора да се достават на англиски јазик, што е работен јазик на сесијата.
Краен рок за аплицирање: 14 декември 2025 година во 23:59 часот.
Формулар за аплицирање: https://docs.google.com/forms/d/1FTKQt3T1rm_CcbZ7yd4nRNTFzyJg5qwMKMlO5xW1c1k
Патувањето, сместувањето и оброците ќе бидат целосно покриени од организаторот – Регионалната академија за демократски развој.
Тематската сесија е организирана во рамките на проектот „Регионален младински дијалог за Европа“ (2023–2026), поддржан од Европската Унија, кој го спроведува Фондацијата Центар за демократија од Белград, во партнерство со Академијата за европска интеграција и преговори од Тирана, Иницијативата за стабилност на Косово од Приштина, Мрежата на прогресивни иницијативи од Сараево, НВО Инфоцентарот од Скопјe, Регионалната академија за демократски развој) од Нови Сад и Центарот за младински активизам од Тирана. Проектот е финансиран од Европската Унија.
