НВО Инфоцентар подготви информативно-едукативно видео со изјави од учесниците и клучните говорници на тематската сесија „Младите и политиките за вработување во Западен Балкан“.
Дванаесет млади од Србија, Косово, Босна и Херцеговина, Албанија и Северна Македонија говорат за важноста на учеството на младите во креирањето политики, со специфичен фокус на вработувањето и младите.
Тематската сесија „Младите и политиките за вработување во Западен Балкан“ се одржа во ноември 2023, во Скопје, како дел од проектот „Регионален младински дијалог за Европа – RYDE“.
Проектот Регионален младински дијалог за Европа го спроведува Фондацијата Центар за демократија (CDF), Белград (како координатор на проектот) и партнерските организации: Академија за европска интеграција и преговори од Тирана (AIEN); Иницијатива за стабилност на Косово од Приштина (IKS); Мрежа на асоцијација на прогресивни иницијативи од Сараево (NPI); НВО Инфоцентар од Скопје; Регионална академија за демократски развој од Нови Сад (ADD); Младински Акт Центар од Тирана (YA). Проектот е финансиран од Европската Унија.
