Дванаесет млади од Србија, Косово, Босна и Херцеговина, Албанија и Северна Македонија учествуваат тематската сесија „Младите и политиките за вработување во Западен Балкан“, како дел од проектот „Регионален младински дијалог за Европа – RYDE“.
Учесниците, млади професионалци, студенти, млади активисти, креатори на политики и млади од политички партии, дискутираат за постојните политики за вработување млади во регионот на Западен Балкан.
Под водство на предавачите Драган Атанасов и Анелија Митрова, учесниците имаат можност да се запознаат со постојните политики за вработување во регионот на Западен Балкан, да анализираат конкретни политички документи поврзани со младите и вработувањето, а ќе се запознаат и со студии на случај со цел да добијат подлабоко разбирање за содржината и влијанието на овие политики.
Тематската сесија ќе овозможи длабинско разбирање за структурата на креирањето документи за јавна политика, поставување на цели и мерки, правни анализи, мерење на општественото влијание на јавната политика, влијанието врз младите и врз ранливите групи.
Во продолжение на тематската сесија „Младите и политиките за вработување во Западен Балкан“ секој од учесниците ќе има можност, со водство на ментор да го вежба стекнатото знаење за подготовка и анализа на документи за јавни политики политики.
Проектот Регионален младински дијалог за Европа го спроведува Фондацијата Центар за демократија (CDF), Белград (како координатор на проектот) и партнерските организации: Академија за европска интеграција и преговори од Тирана (AIEN); Иницијатива за стабилност на Косово од Приштина (IKS); Мрежа на асоцијација на прогресивни иницијативи од Сараево (NPI); НВО Инфоцентар од Скопје; Регионална академија за демократски развој од Нови Сад (ADD); Младински Акт Центар од Тирана (YA). Проектот е финансиран од Европската Унија.
