Младински културен центар-Битола, на 15 октомври 2025 година во Демир Хисар, во рамките на Форумог за граѓански дијалог, организираше јавна трибина со кандидатите за градоначалници и граѓаните на општина Демир Хисар.
На јавната трибина учествуваа кандидатите за градоначалници: Оливер Ивановски (Независен кандидат), Марјанче Стојановски (Независен кандидат) и Златко Кузмановски (СДСМ), кои ги презентираа своите планови и ветувања за развој на Демир Хисар.
Темите ги опфатија најважните локални граѓански приоритети:
- Инфраструктура и сообраќај
- Урбанизам и просторно планирање
- Локален економски развој
- Млади и младински политики
- Спорт и рекреација
Целта на овие активности е да се создаде граѓански дијалог, кој по изборот на градоначалници и советници ќе продолжи активно да ја следи работата на локалната самоуправа и реализацијата на граѓанските приоритети. Настанот го организираше Младински културен центар – Битола, дел од Форумот за граѓански дијалог, во рамки на проектот „Активни граѓани и партиципативна демократија на локално ниво“, што го спроведува НВО Инфоцентар со поддршка од Меѓународниот центар „Улоф Палме“ од Шведска.
