Во партнерство со здруженијата Радика-ДЕ од Дебар, Граѓанска иницијатива на жени – ГИЖ од Свети Николе и Моја Фарма од Гостивар, на 25 октомври 2024, организиравме работилница за размена на искуства на жените фармери со успешната приказна од с.Годивје, стопанството Китка Дарови I Bundle of Nature како бренд на лековити, козметички и гастрономски производи.
Работилницата, наменета за жени производителки од рурални средини од гостиварскиот, светиниколскиот и дебарскиот регион, се организираше со цел да ги охрабри жените и да им даде дополнителен мотив за отпочнување на нов бизнис со домашни производи. Едновремено, настанот беше можност за здружување на напорите на трите организации во нивната цел да го подобрат економското зајакнување на руралните жени.
Работилницата е дел од малата акција „Преку мали граѓански иницијативи и промоција на успешни приказни до генерирање на нови идеи искуства и знаења“, во рамките на проектот „Здружени за активно граѓанство“, поддржан од Европската Унија.
