НВО Инфоцентарот, денеска, преку платформата Зум ги промовираше клучните наоди и препораки од истражувањето на ставовите на граѓанските организации и младите за процесите на креирање и креираните политики за млади „Младите од Западен Балкан во процесите на креирање политики“.
Истражувањето е дел од регионалниот проект „Регионален младински дијалог за Европа – RYDE“ и дава анализа на актуелните ставови на младинските организации и младите за младинските политики и процесите на креирање политики во регионот. Истражувањето, во периодот од август до октомври 2023 година, се спроведе во: Албанија, Босна и Херцеговина, Косово, Црна Гора, Северна Македонија и Србија.
Во периодот од август до октомври 2023 година за потребите на истражувањето беа спроведени вкупно 151 интервју со претставници на ГО од Западен Балкан. По интервјуата следеше онлајн анкета спроведена во текот на октомври и ноември 2023 година. Учествуваа 1.366 млади поединци западнобалканските земји.
Елена Симоноска од НВО Инфоцентар ги презентираше клучните наоди и препораки на ниво на Западен Балкан.
Низ економиите на Западен Балкан се појавуваат заеднички нишки во процената на младинските политики и процесите на креирање политики. Додека ГО во повеќето земји се вклучени во процесот на креирање политики, младите постојано се соочуваат со ограничено учество во процесот на креирање политики и наидуваат на пречки како што се недоволни ресурси или политичка поддршка.
Ефикасноста на апаратот за креирање политики е заедничка грижа во сите економии од Западен Балкан. Ниту еден процес на креирање политики не покажа ефикасност повисока од 3,2 на скала од 1 до 5. Бирократските тешкотии и недостатокот на транспарентност се заеднички пречки кои го попречуваат напредокот.
Сите испитаници сметаат дека потребите на ранливите категории млади (младите со попреченост, младите од LGBTQ+ заедницата, младите Роми, младите од руралните области, младите припадници на етничките малцински групи и младите од другите маргинализирани заедници) не се правилно и соодветно адресирани со постоечките политики.
Детално за состојбите во Северна Македонија говореа истражувачите Александар Стојановски и Мариглен Демири.
Кај нас, истражувањето на младинските организации опфати 25 интервјуа со претставници на различни организации, додека онлајн анкетата собра 251 одговор од млади граѓански и политички активисти, научници и новинари.
Загриженоста за младинските политики се фокусира на нивната општа неефективност и потребата од конкретни закони насочени кон различни младински групи во области како што се вработувањето и културата. Предлозите за подобрување нагласуваат поголемата вклученост на младите, промените во условите за организациска инклузија и создавањето меѓусекторска соработка.
Онлајн испитаниците изразија различни ставови за квалитетот на постоечките младински политики, при што речиси 85% веруваат дека овие политики несоодветно ги задоволуваат потребите на младите. Клучните приоритети што ги идентификуваа вклучуваат вработување, образование, домување, поддршка за ментално здравје и учество на младите.
Додека испитаниците покажаа познавање на процесот на креирање политики, тие бараат зголемена ефикасност и појасни механизми за вклучување на младите активисти. Беа забележани регионални разлики, со поделени мислења за инклузивноста на националните и локалните процеси на креирање политики.
Предизвиците со кои се соочуваат младите активисти вклучуваат недостаток на политичка поддршка, ограничени ресурси и политичка поларизација.
Резултатите ги истакнуваат предизвиците во пејзажот на младинските политики во Северна Македонија, нагласувајќи ја важноста од подобрување на имплементацијата на политиките, поттикнување на секторската соработка и подобрување на механизмите за вклучување на младите во процесот на креирање политики. Наодите ја истакнуваат критичната потреба за приспособени политики кои се однесуваат на различните потреби на младите луѓе и зголемена транспарентност за поефективна имплементација.
Прочитајте повеќе за состојбите во секоја од замијте поединечно во Резимето на извештајот.
Симнете го целосниот текст на Извештајот: Младите од Западен Балкан во процесите на креирање политики.
Истражувањето на политиките за млади и процесите за креирање политики во Западен Балкан е спроведено во рамките на регионалниот проект Регионален младински дијалог за Европа – RYDE, финансиран од Европската Унија. Проектот го спроведува Фондацијата Центар за демократија од Србија во соработка со граѓанските организации (ГО) од Западен Балкан: Академија за европски интеграции и преговори и Центар за младинска акција (Албанија), Иницијатива за стабилност на Косово (Косово*), Мрежа на прогресивни иницијативи (Босна и Херцеговина), Фондација НВО Инфоцентар (Северна Македонија) и Регионална академија за демократски развој (Србија).
