Ве покануваме да АПЛИЦИРАТЕ за тематската сесија на ПОЛИТЕИА ДИГИТАЛНА АГЕНДА „Влијание на дигитализацијата врз младите од Западен Балкан“ што ќе се одржи од 19 до 21 јуни 2024 година, во Тирана, Албанија. Организацијата домаќин ќе биде Академијата за европски интеграции и преговори.
Целта на сесијата е да им овозможи на младите учесници длабинско разбирање на тековните јавни политики и други документи поврзани со „Влијанието на дигитализацијата врз младите од Западен Балкан“. Учесниците, исто така, ќе се запознаат со процесот на креирање политики и структурата на политичките документи воопшто.
По Тематската сесија ќе следи еден менторски ден каде учесниците ќе можат да работат со менторите и да го практикуваат стекнатото знаење за подготовка и анализа на документи за политики поврзани со оваа област.
Учеството на тематската сесија на ПОЛИТЕИА е отворено за претставници на младински организации, млади активисти, креатори на политики и млади луѓе од политички партии од Албанија, Босна и Херцеговина, Црна Гора, Северна Македонија, Косово и Србија.
Краен рок за поднесување апликација е 5 јуни 2024 година, 23:59 часот
ФОРМУЛАР ЗА АПЛИКАЦИЈА: https://forms.gle/7BZnYgowi4KrajpJA
Патните трошоци, сместувањето и храната ќе бидат покриени од организацијата домаќин (AIEN). Работен јазик на сесијата е англискиот јазик.
Тематската сесија се организира во рамките на регионалниот проект Регионален младински дијалог за Европа – RYDE, финансиран од Европската Унија. Проектот го спроведува Фондацијата Центар за демократија од Србија во соработка со граѓанските организации (ГО) од Западен Балкан: Академија за европски интеграции и преговори и Центар за младинска акција (Албанија), Иницијатива за стабилност на Косово (Косово*), Мрежа на прогресивни иницијативи (Босна и Херцеговина), Фондација НВО Инфоцентар (Северна Македонија) и Регионална академија за демократски развој (Србија).
