Во периодот од 30 ноември – 1 декември 2024, НВО Инфоцентарот организираше напредна обука за партнерските граѓански организации за запознавање и практична примена на алатки кои вклучуваат вештачка интелигенција (ВИ).
Со идеја дека користењето на алатките на вештачката интелигенција може да е од голема помош за граѓанските организации, учесниците од десет граѓански здруженија, под водство на обучувачите Ивана Паскоска и Огнен Јанески, се запознаа со основните можности и расположливи алатки кои користат ВИ.
Учесниците, преку практична работа и користење на ВИ алатки, ги согледаа можностите за полесна, побрза и поефикасна секојдневна работа. Исто така, се запознаа и со основите за безбедно и етичко користење на ВИ алатки.
Oбуката е дел од годишна програма на НВО Инфоцентарот за јакнење на капацитетите на граѓанските организации, која се спроведува преку проектите „Здружени за активно граѓанство“ поддржан од Европската Унија и „Активни граѓани за партиципативна демократија на локално ниво“ поддржан од Меѓународниот центар Улоф Палме.
