На 6 декември 2024, Центарот на заедницата на општина Струга организираше јавна дебата, како дел од коалицијата Форум за Граѓански Дијалог, во рамките на проектот „Активни граѓани и партиципативна демократија на локално ниво“, кој го спроведува НВО Инфоцентар, подржан од Меѓународниот центар Улоф Палме од Шведска
На средбата се разговараше за напредокот и буџетирањето на приоритетните проекти за кои граѓаните се изјаснија во 2022 година:
• Проблемот со водоснабдувањето и водата за пиење
– Постојано санирање дефекти, прочистување канали, заменување азбестни цевки.
– Се уште не е постигнат договор со селата кои не се приклучени на главниот водовод.
• Проблемот со бездомните кучиња и нивното згрижување
– Склучен договор со компанија за заловување и згрижување на бездомните кучиња.
– Втора година по ред издвоени се 600.000 денари од буџетот за решавање на овој проблем.
• Подобрување на комуникацијата со граѓаните и нивно вклучување
– На Фејсбук страната на општината секојдневно се објавуваат нови информации.
– Започната е електронска регистрација на сите јавни настани кои се случуваат во општината.
Центарот на заедницата на општина Струга (член на Форумот за граѓански дијалог) и Општина Струга, на 16 декември 2022 година, потпишаа Меморандум за реализација на граѓански приоритети за периодот 2023 – 2025 година.
