Од денеска, 8 април 2024 година, официјално е отворен повикот за предлози за младинскиот фонд „Локални младински иницијативи“, во рамки на проектот „Регионален младински дијалог за Европа – RYDE“, финансиран од Европската Унија.
Младинскиот фонд обезбедува грантови за поддршка на граѓански организации за проекти кои ќе ги подобрат и развијат партиципативните младински политики во заедниците на Западен Балкан, преку поддршка на младински иницијативи и поттикнување активно граѓанство, и учество на младите луѓе во следењето на реформите и политиките кои влијаат на младите во регионот.
На овој повик можат да аплицираат граѓански организации регистрирани во Албанија, Босна и Херцеговина, Косово, Северна Македонија и Србија.
Предлозите за проекти во рамки на овој повик ќе се доставуваат во постапка во два чекора: прв чекор – фаза на концепт и втор чекор – фаза на целосна апликација.
Краен рок за поднесување концепт е 8 мај 2024 година, до 20:00 часот (по белградско време).
Апликантите мора да аплицираат на англиски јазик, онлајн, на е-пошта: youthfund@centaronline.org
Информативната сесија за овој повик за предлози ќе се одржи онлајн, на 12 април 2024 година, од 12:00 до 13:30 часот (по белградско време). Доколку сте заинтересирани за оваа сесија, ве молиме најдоцна до 11 април 2024 година да го пополните формуларот за учество.
Прашањата кои бараат дополнителни објаснувања за повикот може да се испратат на е-пошта youthfund@centaronline.org, најдоцна до 20 април 2024. Одговорите ќе им бидат единечно испратени на апликантите до 25 април 2024 година.
Подолу можете да ги најдете упатствата за апликантите за грант и прилозите потребни за аплицирање:
Guidelines for applicants_Youth Fund for Local Youth Initiatives
Annex Ib – Full Application Form
Annex IV – Declaration by the Grant Applicant
Annex V – Declaration on partnership by the Associate Partner
Младинскиот фонд „Локални младински иницијативи“ претставува финансиска поддршка на трети страни, односно активност за регрантирање на тригодишниот регионален проект „Регионален младински дијалог за Европа – RYDE“, финансиран од Европската Унија во периодот од 2023 до 2026 година, преку Програмата на ЕУ за граѓанско општество и медиуми за Западен Балкан и Турција 2021-2023 (ИПА III). Проектот RYDE го спроведува Фондацијата Центар за демократија од Србија како водечки партнер во соработка со партнерските граѓански организации од Западен Балкан: Академија за европски интеграции и преговори и Центар за младинска акција (Албанија), Иницијатива за стабилност на Косово (Косово*), Мрежа на прогресивни иницијативи (Босна и Херцеговина), Фондација НВО Инфоцентар (Северна Македонија) и Регионална академија за демократски развој (Србија).
