Резултати од најновата анкета на НВО Инфоцентар, Спектар и ЦЗО Струга,за локалните инспекциски служби и Законот за инспекциски надзор.
- 60% од општинските инспектори сметаат дека локалните инспекциски служби не се доволно опремени и кадровски екипирани.
- 71.9% од локалните инспектори вклучени во анкетата сметаат дека постојниот модел на општински инспекциски надзор треба да претрпи измени.
- Над 76% од испитаниците одговорија дека новиот закон за инспекциски надзор е добар или многу добар, но не е усогласен со другите закони.
- Речиси 70% од инспекторите сметаат дека соработката со Инспекцискиот совет е одлична и многу добра, но над 40% дале средна оценка за соработката со другите институции.
- Над 40% од испитаниците одговорија дека обуките за инспекторите се добри, но не се доволни.
- Над 60% од инспекторите се согласуваат дека не се целосно независни, бидејќи се назначени од градоначалникот и нему му одговараат за нивната работа.
- Над 70% од инспекторите во анкетата одговорија дека процесот на лиценцирање е добар, но стажирањето трае предолго, а тоа се одразува со непополнување на празните инспекторски места.
Онлајн анкетата беше реализирана во јуни годинава, во рамки на проектот „Локални инспекциски служби во интерес на граѓаните“, поддржан од програмата на ЦИВИКА Мобилитас Civica Mobilitas. Во анкетата учествуваа 96 локални инспектори, кандидати за инспектори и раководители на сектори или служби за инспекциски надзор во општините.
