Младински културен центар- Битола, на 15.12.2023 во Демир Хисар, како дел од коалицијата „Форум за граѓански дијалог“ организираше јавна дискусија со претставници на општинската администрација, институции и граѓани.
На оваа јавна дискусија се презентираа приоритетите кои беа потенцирани од страна на граѓаните за период 2023-2025 година и нивната досегашна реализација. Исто така овие приоритети беа дел од мониторинг процес во текот на претходните активности, така што резултатите од овој мониторинг беа презентирани пред јавноста. На јавната дискусија беше присутен и Градоначалникот на општина Демир Хисар, и Никола Најдовски, кој го даде целосниот осврт на реализацијата на проектите кои беа реализирани од страна на општина Демир Хисар и надвор од приоритетите кои беа дел од потпишаниот Меморандум за реализација на граѓански приоритети.
Она што е од особена важност е дека преку ваквите иницијативи се поттикнува дијалогот помеѓу општината, институциите и граѓаните со цел добро планирање на општинскиот буџет и реализацијата на проектите и програмите на годишно ниво.
Активноста ја реализира Коалицијата – Форум за граѓански дијалог и е поддржана од Меѓународниот центар „Олоф Палме“ и Владата на Шведска.
