На 15 декември 2023 година, Центарот на заедницата во Струга организираше дебата на која беа презентирани резултатите од мониторингот за реализација на граѓанските приоритети за 2023 година.
На овој настан се разговараше за трите клучни приоритети на граѓаните во општина Струга, а тоа се: проблемот со водоснабдувањето и водата за пиење; проблемот со кучињата скитници; и комуникацијата на локалната самоуправа со граѓаните.
На настанот активно учествуваа 21 претставник од општина Струга, претставници од граѓанскиот сектор и граѓани. Настанот е дел од Форумот за граѓански дијалог, поддржан од Меѓународниот центар Улоф Палме од Шведска.
