На 16 декември 2024 година, Гласен Текстилец организираше дебата на која присуствуваа 17 претставници од урбаните заедници на Општина Штип. На дебатата се дискутираше за реализацијата на приоритетите потпишани во Меморандумот помеѓу Гласен Текстилец и Општина Штип за тековната година, како и за нови предлози за следната година.
Клучни приоритети од Меморандумот (2023–2025):
- Решавање на проблемот со старата водоводна мрежа: Подобрување на притисокот во високите зони.
- Подобрување на хигиената и управувањето со отпадот: Оптимизација на работата на јавните претпријатија и зголемено рециклирање на отпадот.
- Развој на инфраструктурата: Завршување на булеварот „Партизанска“ од АМД до населбата Баби.
- Решенија за паркинг: Изградба на катни гаражи и повеќе паркинг места во централното градско подрачје.
- Еколошки иницијативи: Изградба на пречистителна станица и развој на паркови и игралишта.
- Поддршка за образованието: Обезбедување униформи за учениците од основните училишта.
- Подобрување на општинските услуги: Формирање на Локален економско-социјален совет.
Дебатата овозможи размена на ставови за тековните приоритети и идеи за подобрување на квалитетот на живот во Општина Штип.
Активноста е дел од напорите на Форумот за граѓански дијалог, на шесте партнерски граѓански организации НВО Инфоцентар, Младински културен центар-Битола, Центар на заедницата на општина Струга, Гласен Текстилец, Спектар од Крива Паланка и Граѓанска иницијатива на жени од Свети Николе) за активно вклучување на граѓаните во одредувањето и реализацијата на локални приоритеи во нивните заедници.
Форумот за граѓански дијалог е поддржан од Меѓународниот центар Олоф Палме од Шведска, а се спроведува во рамките на проектот „Активни граѓани и партиципативна демократија на локално ниво“ на НВО Инфоцентар.
