На 13 октомври 2025, се одржа јавна трибина со кандидатите за градоначалници на општина Свети Николе, посветена на најважните приоритети што ги истакнаа граѓаните – сообраќаен хаос, чиста и здрава животна средина – управување со отпад и отпадни води, водоснабдување, патната инфраструктура, локалниот економски развој и добро управување.
На трибината присуствуваа кандидатот на коалицијата предводена од СДСМ Дејан Гичев и кандидатот на група граѓани Гордан Стошевиќ додека кандидатот на коалицијата предводена од ВМРО ДПМНЕ не присуствуваше, но го оправда своето отсуство.
Дебатата покажа дека граѓаните имаат јасни очекувања и бараат конкретни решенија за почиста и поуредна општина
Присутните кандидати ги презентираа своите ставови и предлози, а граѓаните поставија прашања кои се од суштинско значење за одговорното локално управување и здрава животна средина.
„Граѓаните очекуваат одговорност и реализација на ветеното беше пораката што ја заокружи трибината, а граѓани кои активно се вклучија, покажаа дека граѓанскиот глас е двигател на промените.
Настанот го организираше Граѓанска иницијатива на жени ГИЖ Свети Николе, дел од Форумот за граѓански дијалог, во рамки на проектот „Активни граѓани и партиципативна демократија на локално ниво“, што го спроведува НВО Инфоцентар со поддршка од Меѓународниот центар „Улоф Палме“ од Шведска.
