📍 Тирана, Албанија | 14–16 ноември 2025 година
🗓️ Рок за аплицирање: 31 октомври 2025 година
Ве покануваме да аплицирате за тематската сесија на POLITEIA „Улогата на менталното здравје на младите во градењето отпорно општество“, која ќе се одржи од 14 до 16 ноември 2025 година, во Тирана, Албанија.
Целта на сесијата е да им обезбеди на младите учесници сеопфатно разбирање на предизвиците, трендовите и рамките на политиките поврзани со менталното здравје на младите во Западен Балкан. Учесниците ќе истражат како менталното здравје се преплетува со образованието, вработувањето и социјалната инклузија и како јавните политики можат да ја подобрат благосостојбата на младите во контекст на европската интеграција.
По тематската сесија на POLITEIA, ќе се организира ден за менторство, за време на кој учесниците ќе работат со експерт ментор за да развијат препораки за политики и да ги анализираат постојните политики за ментално здравје на младите на национално и регионално ниво.
Кој може да аплицира?
Учеството на тематската сесија POLITEIA е отворено за претставници на младински организации, млади активисти, донесувачи на одлуки и млади членови на политички партии од Србија, Албанија, Босна и Херцеговина, Црна Гора, Косово и Северна Македонија (на возраст од 18+ години).
Потребни услови за аплицирање:
• Возраст: 18–29 години
• Искуство или докажан интерес за јавни политики, социјална инклузија или европска интеграција
• Добро познавање на англискиот јазик (работен јазик на сесијата)
• Достапност за присуство на дводневниот настан во Тирана
📩 Формулар за аплицирање:
🕓 Краен рок за аплицирање: 31 октомври 2025 година
Учеството на тематската сесија POLITEIA е бесплатно!
Организаторот ќе ги покрие трошоците за сместување, оброци и патување.
Работен јазик: англиски
Тематската сесија POLITEIA е организирана во рамките на тригодишниот проект „Регионален младински дијалог за Европа – RYDE“, финансиран од Европската Унија. Проектот „Регионален младински дијалог за Европа“ го спроведува Фондацијата Центар за демократија од Белград (како координатор на проектот), во партнерство со Академијата за европска интеграција и преговори од Тирана, Иницијативата за стабилност на Косово од Приштина, Мрежата на прогресивни иницијативи од Сараево, НВО Инфоцентарот од Скопјe, Регионалната академија за демократски развој) од Нови Сад и Центарот за младински активизам од Тирана.
