Ве покануваме да се пријавите на Тематската сесија „Младите и политиките за вработување во Западен Балкан“ што ќе се одржи од 21 до 23 ноември 2023 година во Скопје, Северна Македонија.
Тематската сесија е организирана како дел од проектот „Регионален младински дијалог за Европа – RYDE“.
Тематската сесија организирана во Скопје, Северна Македонија е отворена за млади професионалци, студенти, млади активисти, креатори на политики и млади од политички партии од Албанија, Босна и Херцеговина, Црна Гора, Косово, Србија и Северна Македонија (постари од 18 години). Учесниците ќе бидат избрани според нивните академски, активистички и други достигнувања.
Учесниците ќе се запознаат со постојните политики за вработување во регионот на Западен Балкан и ќе имаат широк преглед на тековните политики за вработување и други документи за вработување кои се поврзани со младите. Тие, исто така, ќе имаат можност да анализираат конкретни политички документи поврзани со младите и вработувањето во земјите од Западен Балкан и да се запознаат со студии на случај со цел да добијат подлабоко разбирање за содржината и влијанието на овие политики. Конечно, сите учесници ќе стекнат длабинско разбирање за структурата на документот за јавна политика, поставување на цели и мерки, правни анализи, мерење на општественото влијание на јавната политика, влијанието врз младите и врз ранливите групи. За повеќе информации погледнете ја деталната Агенда на настанот.
По Тематската сесија „Младите и политиките за вработување во Западен Балкан“ ќе следи еден менторски ден каде учесниците ќе можат да работат со менторот и да го вежбаат стекнатото знаење за подготовка и анализа на документи за политики.
Краен рок за поднесување на апликацијата е 15 ноември 2023 година.
Апликација за тематска сесија „Младите и политиките за вработување во Западен Балкан“
Англискиот ќе биде работен јазик на тематската сесија. Ве молиме имајте предвид дека учеството на Тематската сесија „Младите и политиките за вработување во Западен Балкан“ е бесплатно!
Организаторот ги покрива и трошоците за сместување, храна и патување.
