Работилницата „Менторска поддршка за руралните жени“ се одржа на 12 април 2024 година во село Тумчевиште, за поддршка и економско зајакнување на жените од руралните средини гостиварскиот регион.
Во соработка со ГО „Моја Фарма“, петнаесет рурални жени од регионот преку практична работа имаа можност да се запознаат со брендирањето и пакувањето на домашни производи како дел од напорите за економско зајакнување на руралните жени. Истовремено добија и практични идеи како да ги промовираат домашните производи.
Работилницата е дел од годишна програма на НВО Инфоцентарот за јакнење на капацитетите на граѓанските организации, која се спроведува преку проектите „Здружени за активно граѓанство“ поддржан од Европската Унија и „Активни граѓани за партиципативна демократија на локално ниво“ поддржан од Меѓународниот центар Улоф Палме од Шведска.
