Oбуката „Заштита на лични податоци“ за зајакнување на капацитетите на граѓанските организации се одржа на 23-24 септември 2023 година, на х. Арена на Попова Шапка.
На обуката со обучувачот Арбен Гудачи, присуствуваа 15 учесници од 11 организации, меѓу кои и НВО Инфоцентар.
Учесниците се запознаа со основите на Законот за заштита на личните податоци, воспоставување систем за заштита на собраните лични податоци и чекор по чекор до целосно спроведување на обврските за малите граѓански организации. Како продолжение на обуката, учесниците ќе имаат кратки консултации ќе бидат водени низ процесот на подготовка на основни документи и процедури за обезбедување основна заштита на личните податоци.
Обуката е дел од годишна програма на НВО Инфоцентарот за јакнење на капацитетите на граѓанските организации, која се спроведува преку проектите „Здружени за активно граѓанство“ поддржан од Европската Унија и „Активни граѓани за партиципативна демократија на локално ниво“ поддржан од Меѓународниот центар Улоф Палме.
