Деветнаесет претставници од граѓански организации викендов во Скопје се обучуваат како да истражуваат, собираат и обработуваат податоци за нивните анализи.
Обуката „Мониторинг план, собирање и обработка на податоци“ се одржа во х. Солун во Скопје, на 3 и 4 Јуни 2023, со обучувачите Васко Маглешов и Маја Јовановска.
Според потребите на граѓанските организации, програмата на обуката се состои од два дела и ги покрива нивните слабости во истражувањето и пишувањето извештаи од анализата на податоци: прв е обуката за „Подготовка за план за мониторинг, собирање и обработка на податоци“, а вториот дел ќе биде практична работа со менторска поддршка при собирањето податоци, анализа и пишување извештаи.
Обуката е дел од годишна програма на НВО Инфоцентарот за јакнење на капацитетите на граѓанските организации, која се спроведува преку проектите „Здружени за активно граѓанство“ поддржан од Европската Унија и „Активни граѓани за партиципативна демократија на локално ниво“ поддржан од Меѓународниот центар Улоф Палме.
