Компаративната анализа на младинските политики во Западен Балкан има за цел да обезбеди сеопфатен преглед на документите за јавни политики поврзани со младите од Албанија, Босна и Херцеговина, Косово, Црна Гора, Северна Македонија и Србија, како што се стратегии, акциони планови и законите.
Анализата е фокусирана на три клучни области идентификувани како особено релевантни за младите во контекст на состојбите во западнобалканските земји:
- Социо-економско политики: вработување, образование и сексуално и репродуктивно здравје на младите
- Младинско учество: граѓански и политички ангажман, социјална инклузија и вклученост на младите во процесите на одлучување
- Медиуми, култура и дигитален свет: младински медиуми и дигитална писменост, критичко размислување, младинско учество во креирање инклузивни културни политики
Со интегрирање на младинските перспективи во сите фази на развој и имплементација на политиките, анализата има за цел да осигура дека гласовите на младите не се слушаат само, туку се централни за обликувањето на иднината на регионот. Во овој документ се формулирани акциони препораки наменети за дискусија меѓу креаторите на политики, граѓанските организации, националните младински совети, младинските организации, младинските форуми на политичките партии и експертите за време на сесиите за дијалог во лабораториите за политики. Лабораториите за политики имаат за цел да го подобрат дијалогот меѓу младите луѓе и претставниците на институциите, да придонесат за зајакнување на ангажманот на младите во политичките, социјалните и економските процеси и културниот живот и заеднички да разговараат за препораките за подобрување на јавните политики релевантни за младите во регионот.
Мораме да ги здружиме нашите напори и да се обидеме да најдеме решение за да ги мотивираме младите да учествуваат во политичките и општествените процеси и да ја подобриме рамката што им го овозможува тоа!
Преземете ја Компаративната анализа на младинските политики во Западен Балкан, на англиски јазик.
Преземете ги Клучните наоди од компаративната анализа на македонски јазик.
Компаративната анализа на младинските политики во Западен Балкан беше спроведена во рамките на проектот Регионален младински дијалог за Европа (RYDE) финансиран од Европската Унија и предводен од Фондацијата Центар за демократија од Србија, во соработка со партнерските граѓански организации од Западен Балкан: Академија за европски интеграции и преговори и Центар за младинска акција (Албанија), Иницијатива за стабилност на Косово (Косово*), Мрежа на прогресивни иницијативи (Босна и Херцеговина), Фондација НВО Инфоцентар (Северна Македонија) и Регионална академија за демократски развој (Србија).
