Краен рок за поднесување на апликацијата е 15 јануари 2025 година
Ве покануваме да аплицирате за тематската сесија на ПОЛИТЕИА „Образование и креирање политики во Западен Балкан“ што ќе се одржи од 21 до 23 јануари 2025 година, во Хотел Хилс, Сараево, Босна и Херцеговина.
Целта на сесијата е да им овозможи на младите учесници длабинско разбирање на тековните јавни политики и други документи поврзани со образованието во Западен Балкан во контекст на процесот на интеграција во ЕУ. Учесниците, исто така, ќе се запознаат со процесот на креирање политики и структурата на политичките документи воопшто.
По тематската сесија на ПОЛИТЕИА „Образование и креирање политики во Западен Балкан“ ќе следи еден менторски ден каде учесниците ќе можат да работат со менторот и да го практикуваат стекнатото знаење за подготовка и анализа на документи за политики поврзани со оваа област.
Учеството на тематската сесија на ПОЛИТЕИА е отворено за претставници на млади организации, млади активисти, креатори на политики и млади луѓе од политички партии од Србија, Албанија, Босна и Херцеговина, Црна Гора, Косово и Северна Македонија (постари од 18 години).
ФОРМУЛАР ЗА АПЛИКАЦИЈА: https://docs.google.com/forms/d/e/1FAIpQLSfdq2iN_bUO6pu2bfoKXyJwmGuzQL0XzgIm_HfMrAZ6oSTyxA/viewform?usp=sharing
Краен рок за поднесување на апликацијата е 15 јануари 2025 година.
Ве молиме имајте предвид дека учеството на тематската сесија на ПОЛИТЕИА е бесплатно! Организаторот ги покрива трошоците за сместување, храна и патување.
Работен јазик ќе биде англискиот.
Тематската сесија POLITEIA е организирана како дел од тригодишниот проект „Регионален младински дијалог за Европа – RYDE“ финансиран од Европската Унија.
Проектот го спроведува Фондацијата Центар за демократија од Србија во соработка со граѓанските организации од Западен Балкан: Академија за европски интеграции и преговори и Центар за младинска акција (Албанија), Иницијатива за стабилност на Косово (Косово), Мрежа на прогресивни иницијативи (Босна и Херцеговина), Фондација НВО Инфоцентар (Северна Македонија) и Регионална академија за демократски развој (Србија).
