Во рамките на локалната иницијатива: „Нови можности за младите преку активен и функционален локален младински совет во општина Маврово и Ростуше“ наорганизацијата ЗЕУКСТРИТОН, на 30 ноември 2023 се одржа јавен настан на кој присуствуваа млади, и ученици од средното училиште СОУ „Маврово Ростуше“, како и претставници од локалната самоуправа.
На дебатата, насловена „Како до функционален Локален младински совет (ЛМС)“ учесниците беа запознаени за важноста, придобивките и можностите кои произлегуваат од формирањето на ЛМС. Беше претставено предлог решението за формирање на ЛМС според новиот Закон за младинско учество и младински политики и подетално беше објаснета постапката за формирањето на ЛМС.
Младите учесници имаа можност да ги продискутираат со претставниците од локалната самоуправа Омер Муратовски, советник за млади во општина Маврово и Ростуше и Ризафер Абази, соработник за седниците на Советот на општината, можностите за формирање нов ЛМС, да дадат предлози, но и да ги искажат младинските проблеми и потреби кои би требало да бидат слушнати од институциите.
Настанот, одржан во рамките на локалната иницијатива: „Нови можности за младите преку активен и функционален локален младински совет во општина Маврово и Ростуше“ на ЗЕУКСТРИТОН, е дел од проектот „Здружени за активно граѓанство“ на НВО Инфоцентар, поддржан од Европската Унија.
