Во периодот од 20 до 22 септември 2024, НВО Инфоцентарот организираше напредна обука за партнерските граѓански организации за подготовка и примена на Законот за заштита на личните податоци.
Учесниците од десет граѓански здруженија, под водство на обучувачот Арбен Гудачи, го започнаа процесот на воспоставување систем за заштита, преку подготовка на основни документи и процедури за обезбедување основна заштита на личните податоци. Како продолжение на обуката, дел од учесниците ќе имаат кратки консултации за целосно спроведување на обврските за малите граѓански организации.
Обуката е дел од годишна програма на НВО Инфоцентарот за јакнење на капацитетите на граѓанските организации, која се спроведува преку проектите „Здружени за активно граѓанство“ поддржан од Европската Унија и „Активни граѓани за партиципативна демократија на локално ниво“ поддржан од Меѓународниот центар Улоф Палме.
