Во Дневниот центар за активно стареење при ООЦК Крива Паланка, на 25 август, успешно беа реализирани две едукативни работилници за пензионерите, посетители на центарот.
Триесетина постари учесници се запознаа со основите на фотографијата, портретирањето и визуелното раскажување. Работилниците насловени “Достоинствена старост низ фотографии што раскажуваат”, ги водеше професионалниот фотограф Ѓорѓи Костовски.
Лицата од трето доба активно учествуваа во практичната работа и беа многу заинтересирани за стекнување нови вештини. Тие, под менторско водство на Костовски, ќе се изработат уникатни фото-профили и тематски фотографии, што ќе бидат претставени на изложба отворена за сите граѓани, медиуми и локални институции.
Активностите придонесуваат за поголема видливост, културно изразување и меѓусебно поврзување на лицата од трето доба. Настанот го организираше Центарот за аудиовизуелни уметнoсти Крива Паланка, како дел од проектот ” Здружени за активно граѓанство” што го реализира НВО Инфоцентар, со поддршка на Европската Унија.
