Младинскиот културен центар Битола, во рамките на Форумот за граѓански дијалог, на 10 октомври 2025 во организираше јавни консултативни средби со граѓаните на општина Демир Хисар и општина Крушево.
На овие средби се дискутираа локалните приоритети во четирите области: јавни услуги, локален економски развој, партиципативна демократија и добро управување, социјална поддршка, култура и спорт.
Дваесетина учесници во Демир Хисар, како најприоритетни ги избраа:
- Јавни услуги: Изградба и реконструкција на локални патишта и улици и Изработка на ГУП и ДУП за Демир Хисар и поголемите населени места
- Локален економски развој: Развој на индустриската зона во Демир Хисар
- Партиципативна демократија и добро управување: Дигитализација на општинските услуги и формирање на младински совет
- Социјална поддршка, култура и спорт: Реконструкција на подрачните училишта (фокус на спортски сали и терени за спортски активности)
За граѓаните во Крушево, најприоритетни области се:
- Јавни услуги: Реконструкција и модернизација на локалната улична мрежа и Паметни водомери и дигитално следење на загубите.
- Локален економски развој: Функционализација на индустриската зона “Опаленик”
- Партиципативна демократија и добро управување: Отворање и опремување на младински центар
- Социјална поддршка, култура и спорт: Подобрување на условите во училиштата (опрема, спортски сали)
Активноста е дел од напорите на Форумот за граѓански дијалог (на шесте партнерски граѓански организации НВО Инфоцентар, Младински културен центар-Битола, Центар на заедницата на општина Струга, Гласен Текстилец, Спектар од Крива Паланка и Граѓанска иницијатива на жени од Свети Николе) за активно вклучување на граѓаните во одредувањето и реализацијата на локални приоритети во нивните заедници.
Форумот за граѓански дијалог е поддржан од Меѓународниот центар Олоф Палме од Шведска, а се спроведува во рамките на проектот „Активни граѓани и партиципативна демократија на локално ниво“ на НВО Инфоцентар.
