Младинскиот културен центар- Битола, на 22 ноември 2024 во Демир Хисар, како дел од коалицијата „Форум за граѓански дијалог“, организираше јавна дискусија со претставници на општинската администрација, институции и граѓани.
На оваа јавна дискусија се презентираа приоритетите кои беа потенцирани од страна на граѓаните за период 2023-2025 година и нивната досегашна реализација. Овие приоритети беа дел од мониторинг во текот на годинава.
На јавната дискусија беше присутен и Градоначалникот на општина Демир Хисар, г-н Никола Најдовски, кој го даде целосен осврт на реализацијата на проектите кои беа реализирани од страна на општината.
Она што е од особена важност е дека преку ваквите иницијативи се поттикнува дијалогот помеѓу општината, институциите и граѓаните со цел добро планирање на општинскиот буџет и реализацијата на проектите и програмите на годишно ниво.
Јавната дискусија е дел од активностите на Форумот за граѓански дијалог, предводен од НВО Инфоцентар, во рамки на проектот „Активни граѓани и партиципативна демократија на локално ниво“, поддржан од Меѓународниот центар Улоф Палме од Шведска.
