Во рамки на проектот „Граѓанска алијанса за прогресивни промени на локално ниво“, поддржан од Меѓународниот центар Улоф Палме од Шведска, во август 2021 година, во пресрет на Локалните избори 2021, се формираше Форум за граѓански дијалог.
Форумот за граѓански дијалог е составен од шест партнерски граѓански организации (НВО Инфоцентар, Младински културен центар-Битола, Центар на заедницата на општина Струга, Гласен Текстилец, Мултикултура и Идеа ЈИЕ), во соработка со уште три граѓански организации – Спектар, Граѓанска иницијатива на жени од Свети Николе и Центар за развој на медиуми.
Основната цел на овој форум, во пресрет на локалните избори, беше да се поттикне директното учеството на граѓаните во јавната дискусија, во идентификувањето на локалните проблеми и потреби, како и во утврдувањето на главните приоритети во нивните локални заедници.
Форумот реализираше серија активности кои опфатија девет општини: Центар, Битола, Штип, Тетово, Струга, Кавадарци, Крива Паланка, Свети Николе и Демир Хисар. Во секоја од опфатените општини беа реализирани по две консултативни средби со граѓаните, како и по една јавна дебата на која кандидатите за градоначалници и кандидатите за советници, се соочија со граѓаните и директно ги слушнаа нивните барања и приоритети.
По конституирањето на новите локални власти, се одржаа средби со новоизбраните градоначалници и претставници на советите на кои се дискутираше за тоа дали и кои приоритети и барања на граѓаните ќе бидат реализирани.
Дел од партнерските организации спроведоа и онлајн анкети, фокус групи, средби и состаноци со неформални и формални целни групи за посеопфатно приоретизирање на потребите и предизвиците со кои се соочуваат граѓаните во своите локалните заедници.
Резиме
• Граѓаните утврдуваа приоритети во следните области: животна средина; урбанизам; комунални дејности; инфраструктура; локален економски развој; образование/ култура; социјална заштита; услуги за граѓаните; транспарентност и отчетност; функционална децентрализација; граѓанско учество, и ллади и младински политики.
• Трансверзални теми беа корупцијата и родовата еднаквост
• Беа спроведени две онлајн анкети кои опфатија над 150 граѓани кои се изјаснија за клучните приоритти и проблеми во нивните општини (Центар и Крива Паланка).
• Во сите девет општини беа одржани вкупно 18 консултативни средби со граѓаните (по две во секоа од вкллучените општини), 9 јавни дебати и средби со кандидатите за градоначалници и кандидатите за советници, како и 9 средби со избраните градоначалници и советници во локалните самоуправи.
• На консултативните средби и јавните дебати учествуваа околу 500 граѓани кои ги дадоа своите предлози и мислења.
• Граѓаните идентификуваа вкупно 250 приоритети.
• Во изборните програми на кандидатите за градоначалници беа опфатени повеќето граѓански приоритети и проблеми.
• Кандидатите за градоначалници генерално ги прифатија граѓанските приоритети.
• Новоизбраните градоначалници и советниците прифатија дел од граѓанските приоритети, но останува да се следи дали, колку и во која временска рамка ќе бидат реализирани.
Активностите беа реализирани во периодот август – декември 2021 година.
Форумот за граѓански дијалог ќе продолжи со активно и постојано следење на работата на новите локални власти, со посебен фокус реализацијата на клучните граѓански приоритети.
Интегрален текст на извештајот Gragjanski prioriteti na lokalno nivo
Under the auspices of the “Civic Alliance for Progressive Change on Local Level” Project, supported by the International Centre “Olof Palme” from Sweden, the Forum for Civil Dialogue was established in August 2021, before the 2021 Local Elections.
The Forum for Civil Dialogue is composed of six partner CSOs (the NGO Infocentre, The Youth Cultural Centre Bitola, Struga Municipality Community Centre, “Vocal Textile Worker”, “Multikultura” and “Idea SEE”) while three other CSOs – Spektar, Civic Initiative of Women of Sveti Nikole and the Media Development Centre are actively involved in its activities. Before the Local Elections, the main goal of the Forum was to promote the direct participation of citizens in the public discussions to identify local problems and needs, as well as the definition of main priorities of the local communities.
The Forum implemented a series of activities in nine municipalities: Centar, Bitola, Štip, Tetovo, Struga, Kavadarci, Kriva Palanka, Sveti Nikole and Demir Hisar. Two consultation meetings with citizens were held in each of the municipalities covered by the project. Also, in each of the nine municipalities, public debate style events were held, bringing together candidates running of mayoral offices and seats in the local councils and the citizens, giving the latter an opportunity to present their demands and priorities to the former.
After the elections and the constitution of the new local administrations, meetings were held with the newly elected mayors and members of the municipal Councils, which focused on the issue which, if any, of the priorities and demands presented by the citizens will be included in the agendas of the respective local administrations.
Some partner organisations conducted online polls, focus group discussions, informal and formal meetings with target groups to ensure a more comprehensive ranking of priorities, needs and challenges faced by citizens in their respective local communities.
All activities were implemented in the period August – December 2021.
The Forum for Civil Dialogue shall continue with active and continuous monitoring of the work of the new local administrations, with focus on the realisation of key priorities identified by the citizens.
Full report Local Priorities of the Citizens
