На 19 ноември 2024, во организација на Организацијата на жени од Струмица во Струмица се одржа средба помеѓу активната женска заедница и претставници од општината.
На настанот беа презентирани и дискутирани клучните наоди и препораки од истражувањето за учеството на жените во граѓански консултации за развој на годишните програми и буџети на Општина Струмица и за степенот на реализација на приоритетите на жените од 6 Женски кружоци (две урбани и 4 месни заедници).
На средбата присуствуваа активистки од Женските кружоци, советници/чки, и Претседателот на Советот на Општина Струмица.
Активноста е дел од годишната програма на Организацијата на жени од Струмица поддржана од Акција Здруженска и проектот на НВО Инфоцентар “Активни граѓани за партиципативна демократија на локално ниво”, кој се спроведува со поддршка од Меѓународниот центар Улоф Палме.
