Повикот за предлози за Фондот за активни достигнувања за регионални неформални групи е отворен. Фондот е дел од проектот Регионален младински дијалог за Европа (RYDE), финансиран од Европската Унија.
Главната цел на овој повик е да ги зајакне креативните групи во Западен Балкан, особено неформалните, преку обезбедување финансиска поддршка за иницијативи кои имаат за цел:
- Зголемување на младинскиот активизам во заедниците и учество во структуриран дијалог со носителите на одлуки за јавните политики релевантни за младите;
- Залагање за усвојување на европските вредности и зајакнување на демократски и одговорни институции;
- Промовирање на регионалната соработка и политичките, економските и социјалните придобивки од интеграцијата во ЕУ за земјите од Западен Балкан.
Вкупниот расположлив буџет на Фондот за активни достигнувања за 2025 година е 15.000 евра. Регионалните неформални групи можат да аплицираат за финансиска поддршка за проект кој мора да биде помеѓу следниов минимален и максимален износ:
минимален износ: 2.000 ЕУР
максимален износ: 4.000 ЕУР
Само неформални групи имаат право да аплицираат на овој Повик за предлози. Овие групи не се формално регистрирани и имаат ниско ниво на формалност и слаби технички и менаџерски вештини. Повикот е отворен за неформални групи кои спонтано се собрале за да решат проблем во локалната заедница, со приоритет на поединците кои учествуваа во активностите на RYDE како што се Politeia, тематските сесии на Politeia, лаборатории за младински политики и програмата за практикантска работа.
Регионалните групи ќе бидат составени од најмалку 5 млади луѓе на возраст од 16-30 години кои, државјани на најмалку 3 од петте земји од Западен Балкан во кои се спроведува проектот RYDE (Албанија, Босна и Херцеговина, Косово, Северна Македонија и Србија). Најмалку едно лице од неформалната група мора да биде полнолетно за да се потпише договорот за имплементација на проектот.
Поддршката ќе биде обезбедена преку директни плаќања спроведени од партнерските организации на RYDE кои ќе дејствуваат како посреднички организации за конкретниот проект. Со предлог-проектот, апликантите треба да ја изберат земјата домаќин на проектот која последователно ќе определи која партнерска организација ќе дејствува како организација посредник. Партнерските организации ќе извршат плаќања за направените трошоци според одобрениот мал буџет на проектот.
| Земја домаќин | Град | Партнерски организации | Контакт |
| Албанија | Тирана | Центар за младинска акција | info@youthact.al |
| Босна и Херцеговина | Сараево | Мрежа за прогресивни иницијативи | info@mpi.ba |
| Косово | Приштина | Иницијатива за стабилност на Косово | infoj@iksweb.org |
| Северна Македонија | Скопје | НВО Инфоцентар | contact@nvoinfocentar.org.mk |
| Србија | Нови Сад | Регионална академија за демократски развој | office@regionaladd.org |
Времетраењето на проектите е од три до шест месеци.
Избраните неформални групи имаат обврска да ги реализираат своите проекти во периодот од 1 август 2025 до 31 јануари 2026 година.
Крајниот рок за поднесување апликации е 18 јули 2025 година во 20:00 часот по средноевропско време.
Кандидатите треба да аплицираат на англиски јазик и да ги достават своите апликации електронски на е-поштата: info@iksweb.org
Подолу можете да ги најдете Упатството за регионални неформални групи и Анексите потребни за апликацијата за проектот.
Guidelines for regional informal groups_Active Achievement Fund for Regional Informal Groups 2025
Фондот за активни достигнувања за регионални неформални групи претставува финансиска поддршка на трети страни, односно активност за регрантирање на тригодишниот регионален проект „Регионален младински дијалог за Европа – RYDE“, финансиран од Европската Унија во периодот од 2023 до 2026 година.
Проектот RYDE го спроведува Фондацијата Центар за демократија од Србија како водечки партнер во соработка со партнерските граѓански организации од Западен Балкан: Академија за европски интеграции и преговори и Центар за младинска акција (Албанија), Иницијатива за стабилност на Косово (Косово*), Мрежа на прогресивни иницијативи (Босна и Херцеговина), Фондација НВО Инфоцентар (Северна Македонија) и Регионална академија за демократски развој (Србија).
