Жените од Граѓанска иницијатива на жени од Свети Николе заедно со производителки од светиниколското с. Милино, со поддршка од НВО Инфоцентар, денеска, учествуваа со свои производи на Саемот за локални производи “Вкусот на традицијата”, во рамки на манифестацијата Меѓународен ден на руралната жена во организација на ЗРЕ Визија и КЕМ од Кавадарци.
Жените истакнаа дека се соочуваат со доста проблеми и предизвици, но инвестирањето во жените од руралните средини може значително да придонесе кон подобрување на нивната положба и општеството во целина.
Оваа активност е реализирана во рамки на проектот Активни граѓани и партиципативна демократија на локално ниво, поддржан од Меѓународниот центар Улоф Палме.
