Мониторингот на НВО Инфоцентарот за медиумското покривање на Пописот 2021 година во периодот 5-17 септември 2021 година вклучи девет медиуми (четири онлајн портали и пет национални ТВ-станици: Курир.мк, Плусинфо.мк, Фронтлајн.мк, 360 Степени.мк, МРТ1, Сител, Телма, Алфа и Алсат М).
Во текот на овој период беа објавени вкупно 174 информативни единици, односно прилози и онлајн написи. Ова претставува намалување на бројката на медиумски објави за 61.5% споредено со првиот мониторинг период, 15 март – 2 април, 2021.
КЛУЧНИ НАОДИ НА МОНИТОРИНГОТ
– Од електронските медиуми најмногу прилози емитуваше МРТ1 (7.5% од вкупниот број анализирани прилози на сите медиуми), потоа Алсат М (5.8%), Сител (4%) и Телма (4%). Кај онлајн медиумите најмногу написи објавија Фронтлајн (27.6%) и Курир (20.7%), потоа Плусинфо (13.2%) и 360 Степени (12.6%).
– За разлика од првиот периодичен извештај, кога во известувањето доминираа политичко-партиските реакции (60.5%), во овој период, тие опфатија само 17.6% од вкупниот број објавени прилози.
– Медиумите главно известуваа за тоа како се одвива процесот на попишување на населението и кои се најважните информации од терен. Високи 66.8% од вкупниот број анализирани содржини се однесуваа на пописните активности.
– ДЗС се јавува како извор на информации во 77% од прилозите. За споредба, во првиот периодичен извештај, ДЗС како извор на информации беше застапен со само 22%.
– Најголема процентуална застапеност во користењето на ДЗС како извор на информации беше регистриран кај Фронтлајн (26% од сите објави за пописот во кои се цитираат наводите на ДЗС), потоа кај Курир (18.5%) и Плусинфо (13.3%).
– Информациите од ДЗС наметнаа претежно техничко известување и притоа забележливо беше отсуството на подобра контекстуализација и анализа на овие податоци. Ваквиот пристап на медиумите влијае врз квалитетот на информирање на граѓаните.
– Медиумите секојдневно ги објавуваа информациите и уверувањата од државните институции и нивните претставници дека пописот се одвива безбедно и успешно, наспроти хакерските напади и техничките проблеми на ДЗС, најавите за можен бојкот на пописот, како и новот пандемиски бран од КОВИД-19.
– Медиумите со критички однос кон власта постапно оформуваа контра-наративи кон пораките на власта. Тие пренствено се фокусираа на здравствените ризици, техничката подготвеност и стручниот капацитет на институциите за спроведување на пописот. Целта на овие наративи е да се врами изведувањето на пописот кон преовладувачкиот наратив на опозициската реторика за „неспособна власт“.
– Во дел од медиумите, информирањето на јавноста за пописот имаше и етничка димензија. Наративите дека политичките партии на Албанците во државава се поактивни во своите кампањи за попис на припадниците на дијаспората, се рефлектираа и во известувањето за попишувањето во земјава. Овие наративи беа надополнети, на пример, со пораките за „непочитување на здравствените протоколи при изведување на пописот во средини со мнозинско етничко албанско население“.
– Во медиумите со про-опозициски приод во известувањето беа регистрирани објави за можност пописот да се соочи со масовен бојкот од страна на граѓаните, но и со суптилни пораки дека доколку се случи тоа, граѓаните нема да бидат казнувани, иако, учеството во пописот е законска обврска.
– Информациите за наводен бојкот на пописот, почнаа позасилено да се објавуваат во текот на втората недела од пописот и се повеќе да се шират како опозициски наратив.
II Мониторинг извештај Попис 2021
The NGO Info-center’s monitoring of the media coverage on the Census 2021 in the period 5-17 September 2021 included nine media outlets (four online news portals and five national TV stations: Kurir.mk, Plusinfo.mk, Frontline.mk, 360 Stepeni.mk, MRT1, Sitel, Telma, Alfa and Alsat M).
General key findings:
- The monitored media published a total of 174 news stories. That is a 61.5% drop of total media coverage compared to the 1st monitoring period, March 15 – April 2, 2021.
- Unlike the 1st Periodical Report in which the coverage was dominated by reactions of political parties and their representative, the total number of articles, during this reporting period they accounted for just 17.6% of the total coverage.
- The media mostly reported on the census process (66.8% of the articles).
- The SSO appeared as source of information in 77% of the articles. The reliance on SSO as the main source of information resulted in a predominantly technical reporting, with notable absence of proper contextualisation and analyses of the data provided by the institution.That approach by the media influenced the quality of information available to the citizens.
- The media published, on daily bases, the information and assurances of the state institutions and their representatives that the Census proceeds safely and successfully, in spite of the hacker attacks and technical problems experienced by the SSO, the announcements of possible boycott and the new wave of the COVID-19 pandemic.
- The media critical of the government gradually shaped their counter-narratives to the messages presented by the government. They focused primarily on the health hazards, the alleged lack of preparation and expert capacities of the institutions to conduct the Census.The aim of those narratives is to frame the conduct of the Census in the predominant opposition rhetoric of „incompetent government “.
- In some media, the reporting on the Census was given ethnic dimension and overtones. Those narratives were accompanied, for instance, with messages “of violations of the health protocols in the census in the areas with majority Albanian population”.
- In the pro-opposition media, the monitoring registered articles that noted the possibility for the Census to face mass boycott by the citizens, but also subtle messages that, if such an event should transpire, the citizens won’t be sanctioned in spite of the fact that the participation in the Census is a legal obligation.
- The information on the alleged boycott gained in intensity in the second week of the Census and was increasingly disseminated as a part of the opposition’s narrative.
