baner_300x250

Граѓански протест на АЈДЕ и бдеење за Уставот

на мар 15, 16 • од

Бдеењето за Уставот ќе започне со протестен марш на 15-ти март, во 18 часот, пред Владата. Граѓаните ќе се упатат кон Народната канцеларија на Претседателот на државата, потоа кон Собранието и на крајот ќе пристигнат пред Уставниот суд и таму ќе останат во текот на ноќта и одржувањето на закажаната седница на Уставниот суд...
Pin It

Home » Граѓанска сцена, Слобода за слободата на изразување » Граѓански протест на АЈДЕ и бдеење за Уставот

АЈДЕ – Платформата за граѓанска политика ги повикува сите слободоумни граѓани и граѓанки на Република Македонија, сите челнови на организации, здруженија, иницијативи, синдикати и политички партии, масовно да учествуваат на протестот и бдеењето за Уставот, затоа што (не)уставните судии во среда, на 16-ти март, планираат експресно да ја донесат одлуката за помилување на изборниот криминал и други тешки криминали.

Бдеењето за Уставот ќе започне со протестен марш на 15-ти март, во вторник, во 18 часот, пред зградата на Владата. Граѓаните ќе се упатат кон Народната канцеларија на Претседателот на државата, потоа кон Собранието на Република Македонија и на крајот ќе пристигнат пред Уставниот суд и таму ќе останат во текот на ноќта и одржувањето на закажаната седница на Уставниот суд.

На ваков начин ние, граѓаните, решително и бескомпромисно ќе им порачаме на уставните судии: Елена Гошева, Никола Ивановски, Владимир Стојаноски, Вангелина Маркудова и Јован Јосифовски дека мора да ја поништат одлуката за помилување и дека мора да си поденесат оставка. Тие се „гробари“ на Уставот и соучесници на власта во изборните кражби, затоа што причинско-последичната врска меѓу нивната одлука и случајот „Титаник“ е повеќе од очигледна.

Овој граѓански протест го поддржаа бројни граѓани, организации и иницијативи, како и Социјалдемократскиот Сојуз на Македонија, ПЕИ, Обединети за Македонија и други опозициски партии.

НЕМА ПРАВДА – НЕМА МИР!

Поврзани написи

Коментарите се затворени.

Scroll to top